لە پەیوەندییەکى تەلەفۆنیدا عەباس عێراقچى، وەزیرى دەرەوەى ئێران دواین پێشهاتەکانى ناوچەکە لەگەڵ نێچیرڤان بارزانى، سەرۆکى هەرێمى کوردستان تاوتوێ دەکات.

جێگری سەرۆکوەزیرانی هەرێمی کوردستان لەگەڵ لیژنەی ئەمنی سلێمانی کۆدەبێتەوە و ڕایدەگەیەنێت، هەرچەندە هەرێم بێلایەنە بەڵام دۆخەکە نائاساییە و چەندین ڕێوشوێنی نوێ بۆ پاراستنی هاووڵاتییان و چارەسەرکردنی کێشەی کارەبا دەگیرێتەبەر.

ڕێبەری دەستبەسەرکراوی پەکەکە لە دیدارێکدا لەگەڵ برازاکەی، پەیامێک لەبارەی قۆناغی سیاسی ئێستا و سیستەمی قەیوم لە تورکیا بڵاودەکاتەوە و جەخت لە پاراستنی زمانی کوردی دەکاتەوە.

دەزگاى ئاسایشى هەرێمى کوردستان چەند ڕێنماییەکى بڵاوکردەوە و داوا لە ڕاگەیاندنەکان دەکات لە بڵاوکردنەوەى زانیارى و وێنە و دیمەنى ئەو شوێنانەى بۆردوومانکراوە، پێش دەزگا ئەمنییەکان نەکەون.

ئیمارات هێرشە مووشەکییەکانی ئێرانی بۆ سەر بارەگاکانی پێشمەرگەی هەرێمی کوردستان بە "ناڕەوە و تیرۆریستی" ناو دەبەن.

بازنەی جەنگی نێوان ئەمریکا - ئیسرائیل و ئێران، جگە لە کەنداو و ڕۆژهەڵاتی ناوەڕاست، پریشکی گەیشتوەتە دەریای سپیی ناوەڕاست و قەوقاز و سریلانکا. جگە لە ئیسرائیل، ئێران هێرشی کردووەتە سەر 11 وڵات و سەرچاوەکانی وزە و ڕێڕەوە بازرگانییە جیهانییەکانی وەک گەرووی هورمز و کەشتییە نەوتهەڵگرەکانی کردووەتە ئامانج. هێرشەکانی ئێران تاوەکو ئێستا وڵاتانی کوەیت، بەحرەین، قەتەڕ، ئیمارات، سعودیە، ئوردن، عێراق (هەرێمی کوردستان)، عومان، تورکیا، قوبرس و نەخجەوانی ئازەربایجانی گرتووەتەوە.

وەزیری دەرەوەی ئێران هێرشی تووند دەکاتە سەر سەرۆکی ئەمریکا و ڕایدەگەیەنێت کە ناوبراو بەهۆی "ڕق و کینە" و شێوازی هەڵەی مامەڵەکردنی، تەواوی پرۆسەی دیپلۆماسیی لە نێوان هەردوو وڵات وێران کردووە.

میدیای فەرمیی ئێران بڵاویکردەوە، لە ماوەی کەمتر لە 72 کاتژمێری ڕابردوودا، بەهۆی هێرشەکانی ئەمریکا و ئیسرائیلەوە 13 کەس لە پارێزگای ورمێی ڕۆژهەڵاتی کوردستان کوژراون.