هه‌واڵ و زانیاری

نیوەی هاوڵاتیانی کوردستان لە پڕۆژەی ڕووناکیدا کەمتر لە ٣٦،٠٠٠ دیناریان بۆ گەڕاوەتەوە لە مانگی دووەم.

ئیمارات هێرشە مووشەکییەکانی ئێرانی بۆ سەر بارەگاکانی پێشمەرگەی هەرێمی کوردستان بە "ناڕەوە و تیرۆریستی" ناو دەبەن.

سەرۆکی فەرەنسا، لە هەوڵێکدا بۆ رێگریکردن لە داڕمانی تەواوەتیی دۆخی لوبنان و کۆتاییهێنان بە توندوتیژییەکان، داوا لە ئیسرائیل دەکات بچێتە ناو گفتوگۆی راستەوخۆوە لەگەڵ حکوومەتی لوبنان. هاوکات فەرەنسا ئامادەیی خۆی دەربڕی بۆ میوانداریکردنی ئەو دانوستانانە لە پاریس، لەژێر رۆشنایی دەستپێشخەرییەکی چوار خاڵیی حکوومەتی لوبنان.

یەکەمین شانۆی ترسناک لە کوردستان نمایش دەکرێت و چیرۆکەکەشی لە ڕۆمانێکی بەناوبانگی جیهانییەوە وەرگیراوە.

بە فەرمانى محەممەد شیاع سوودانى، فەرماندەى گشتیی هێزە چەکدارەکان، کەسوکارى شەهیدان و بریندارانى هێرشەکانى ئەمدواییەى هەرێمى کوردستان، هاوشێوەى شەهید و بریندارانى عێراق پاداشت دەیانگرێتەوە.

بازنەی جەنگی نێوان ئەمریکا - ئیسرائیل و ئێران، جگە لە کەنداو و ڕۆژهەڵاتی ناوەڕاست، پریشکی گەیشتوەتە دەریای سپیی ناوەڕاست و قەوقاز و سریلانکا. جگە لە ئیسرائیل، ئێران هێرشی کردووەتە سەر 11 وڵات و سەرچاوەکانی وزە و ڕێڕەوە بازرگانییە جیهانییەکانی وەک گەرووی هورمز و کەشتییە نەوتهەڵگرەکانی کردووەتە ئامانج. هێرشەکانی ئێران تاوەکو ئێستا وڵاتانی کوەیت، بەحرەین، قەتەڕ، ئیمارات، سعودیە، ئوردن، عێراق (هەرێمی کوردستان)، عومان، تورکیا، قوبرس و نەخجەوانی ئازەربایجانی گرتووەتەوە.