لە سەرەتای وەرزی نوێی خول و پاڵەوانێتییەکانەوە، یانەکانی ریاڵ مەدرید و بەرشلۆنە بەردەوامبوونە لە ڕکابەریکردن و ململانێی یەکدی لەسەر بەدەستهێنانی نازناوەکان و وەرگرتنی پێشەنگی ڕیزبەندیی لالیگا، بەڵام ئەوەی کێشەی سەرەکی بووە بۆ هەردوو یانەکە پێکانە زۆر و یەک لەدوا یەکەکانی یاریزانەکانیان بووە، کە بەوهۆیەوە گورزێکی کوشندە بەر ئەو دوو گەورەیەی ئیسپانیا کەوتووە.
تایبەت بە یانەی ریاڵ مەدرید، ئەم وەرزە یانەی شاهانە یەکێک لە سەختترین وەرزەکانی بەڕێدەکات و بارودۆخی لەسەرجەم لایەنەکانەوە جێگیر نییە، ژمارەی پێکانەکانی مێرینگی هێندە دووبارە دەبنەوە بوونەتە خاڵی لاوازی تیپەکە و بەتەواوی کاریگەرییان لەسەر ئاست و ئەنجامی یانەکە هەبووە لەسەر ئاستی لالیگا و چامپیۆنزلیگ، بەوهۆیەشەوە بەرپرسانی ریاڵ مەدرید هەست بەبێزارییەکی زۆر دەکەن و دەیانەوێت ئەو کێشەیە لە ڕەگوڕیشەوە چارەسەربکەن.
پێکانەکانی یانەی ریاڵ مەدرید لەئێستادا:
- ئیدێر میلیتاو
- ڕۆدریگۆ
- ئێمباپێ
- سیبایۆس
- بێلینگهام
- کاماڤینگا
- ئاسێنسیۆ
هەرچی یانەی بەرشلۆنەیە، هەرگیز پێکانەکان لەو تیپە دوورناکەونەوە و بوونەتە هاوڕێیەکی گیانی بە گیانی یانە کەتەلۆنییەکە، هانسی فلیکی ڕاهێنەر بەجۆرێک گیری خواردووە نازانێت چۆن پێکهاتەکانی بۆ یارییەکان هەڵبژێرێت، چونکە تاوەکو یاریزانێکی لەپێکان چاک دەبێتەوە و دەگەڕێتەوە، یەکێکی دیکە لە ئەستێرەکانی دووردەکەوێتەوە، نوێترین قوربانییەکانیش لە یارییەکەیان بەرامبەر ئەتلەتیکۆ مەدرید بوون کاتێک دوو یاریزانی دیکە دووچاری پێکان بوون.
پێکانەکانی یانەی بەرشلۆنە لەئێستادا:
- گاڤی
- دی یۆنگ
- کوندێ
- باڵدێ
- لیڤاندۆڤسکی
- کریستنسن